Nr.16

Mittwuch

Openair Gampel in 29 Tag

Dr 3.Tag i derä Wuche gschaffet i dene drü Tag 35 Stund.Gschlafe öppä 16Stund wenns Höch chunnt.Hüt Gits öppe 7,5 drzue.
Viu hani vo denä schöne Täg leider nid mit becho,aber wi minier Blüemli gedeie gseh i jedä Tag bevor i ga ga schaffä.
Aktuelli temperature bim Schaffe Ca. 5o Grad.



Si die nid schön?Ach macht mi das Glücklech!

Fernando's Gigathlon 3 DAY SINGLE MAN

Gigathlon 07

In 7 Tag dür die ganzi Schwiz.
Wo vo dr Fernando 3 Tag gmacht het.
Und das mit erä super leistig!

Daten:

Weg vom Sart.(Därligen) ins ZIel (Bern): 612.5 Km


Seine Zeit: 36:48:42
Rückstand auf den 1.: 58:04
DIsziplinen: Rennvelo,Mountenbike,Schwimmen,Inlinen und Laufen

Route:
Tag 5,6 u 7

End Rang: 3.

Fernando das isch absolut ä HAMMER leistig!Das hesch sehr guet gmacht!Eifach Gigantisch!






Nandi im Ziel.(oben mit Hans)
& Beim EInlauf ins Ziel mit Walliserfahne und begleiter Hans auf dem Bike.(unten)



Mit Betreuer, Vater(ganz Rechts) und seiner Freundin (2.v.L.)






Bei der SIeger Ehrung:

1.Müller Michael, Dintikon 36:06:34
2.Rieder Roger,Uetendorf 36:47:02
3.Imhasly Fernando,Fiesch 36:48:42







Härzlechi Gratulation!!!

Nr.15

C.-D. Openair Gampel 31 Tage

Do.
Hüt hani unverhoft frei ka.Was i ha gmacht? Tv gluegt u hami im internet schlau gmacht was dr Fernando so Tribt und wies ihm louft,auso i mues säge ihm isches sehr guet gloffä.

Fr.
Hüt isch dr 1.schönst Tag nach derä schöne Räge Zyt gsi.
Wüu i gester ha Frei ka hani hüt scho am morge dörf ga schaffe mit zimmerstund versteit sich.
Am Mittag hei mir äs Banket gha.26 pers.nume schad gsi das es ke mise en place het ka.
Am abe wo du aues gmacht isch gsi,isch so viu gloffä das es ume nümme het ka.

Hüt bini ächt guet zwäg gsi u rächt guet vorwärz cho mit em Velo ha ca.17 min ka,afangs aube öpe ä haubstund.

Dr Nandi isch momäntan 1.i sir kategorie.

Sa.
Am Morge Früeh simer scho uf bärn gfahrä,Wüu dr Michel u mini Schwe as Red Bull Air Race si.
Am Morge bini no schnäu zu mine Euterä wo de speter is Wallis si.
Süsch hani dr Tag vorauem dr mit Tv Luegä sünnelä u Verfouge was dr nandi macht.
Am 5i bini michel u livä am $bahnhof ga abholä.Damit mir Rächtzitig ufem BEA expo gländ si wenn de dr nandi iilouft.
Am Abe si mer no schnäu ir Stadt öpis ga zieh.

So.
A dr Aarä






Morge 07:15 uf.liv u michel a Bahnhof fahre,wider hei ga pennä.
Am Mittag bini mit Rebi u Mario uf Belp öpis ga ässä und ga loufä,zur erfrüschig simer no chli id Aarä gstandä.





Speter hani mini besti Kollegin bsuecht.D'Monä (Buhseschmuser)ha sie sicher über nes Jahr nüm gseh!Und drum isches hüt um so schönner gsi! und ihri neui Wohnig hani o grad gseh.DIe isch eifach HAMMER!

Itz simer wider im Basel wüus für mi morn wider los geit.

Auso guet Nacht.Oder was o geng.

Nr.14

C.-D. Openair Gampel 35 Tag.

Sa. u. So.

am sa hani dr 2. frei tag ka.Bsuech vo mire Schwe u co. isch aagseit gsi,u ds Conny heimer o grad dr zue iiglade.
Isch mega lustig gsi.Grillierä,Sing star, Live earth und pokärä.
Im Poker het ds Conny Gwunnä obwohl sie ds erst mau gspiut het.
Conny het no d hünd dr bi ka. u dene isches auso prächtig ganngä...



wie me hie unschwär ch erkennä.
Das isch übrigens dr Diabolo.



Am So.hani am zäni afa schaffe.hät de eigentlech söuä düre schaffe bis amabe am 10i,aber da nid so schöns Wätter isch gsi hani id Zimmerstund dörfä juhui!
AM morge hani mit em Corsa vom Sandro Dörfe ga.Isch ächt wizig gsi.viu wagliger aus üse mini,einiges weicher und ha mi verschaute wo i ds erstmau ha vom 1 is 2 gschaute wüu dr Wäg witer isch.na ja was söus süsch isch ja guet gangä.und pracktisch isches o gsi.

Mo./Di. u Mi.

Hani gschafet.ab de %i am abä,auso gester Mi scho am Mitteg 3Std. wüu viu Reserviert isch gsi.
am mäntimorge (mit Coni u Hünd) u am di.-morge (nandi) simer im Kafi gsi.

Was i no ha wöue korrigierä isch das dr Fernando nid Fr. Sa u So Gigathlon macht sondern Do.Fr. u Sa. am Sa isch när Dr ganz Gigathlon o verti.Hoffä är Schaffts.

Hüt Do.
Ischer Nachem Schwümme (1.Dist vo sim erste Tag) 9.soooooo geil itz ischer ungerwägs über Grimsu mit em Rennvelo.
Viu Glück Fernando.

So bis gli ä mau.

Nr.13

C.-D.Openair Gampel 41 Tag

Gester am abe isch nid so viu gloffä bim schaffä.leider!

Speter wo i da hei bi gsi het sich d nachbarin gmäudet ob i nid chli zu ire überä wöug cho sie wöug mir öpis verzeuä.
Da het sich doch ire Fründ eifacho bi ire uszogä so vo eirä minutä uf die anderi u das ohni grund u völlig überraschend!
dä spinnt doch!Guet i sie ne los!!! Dä het doch ä knall!S beste drann isch das är am Di. no ä Gschirrsphüeler kuft het wo ner itz irä Schänckt!So äs Gschänck nämi auso ono!

Nach 6Std.Schlaf bini Ds 1.mal uf die erschti maschine wösch ga über tue U när nomau ga ligä aber numä 1Std u 15 min. de Die nächsti Maschine ine.U de Wohnogs Putz was würklech geng wider ufbouend isch.
Super hiuf vom Michel nach däm är Ufgstande isch.

Speter iichoufä.Da mir Morn Bsuech vom mire Schwe irem Fründ u em Kolleg vo üs bechöme u da hani ds conni o grad iigladä.
Grillierä u Pokärä isch aagseit.I Freue mi sehr.

Nr.12

C.-D. Openair Gampel 42 Tag

Iitrag zu gestrige tag:
Mittag ässe mit em Roger am Marcel und em (i gloub)Pascal.Ir Pizzaria Rennbahn in Mutenz isch mega fein gsi.Salat Pizza mit schinkä u Piuzzli Dessert Haubi Dosä pfirsich mit Erdbeer Doping mmmmmmhh.So fein!!!
Isch ä sehr lustigä mittahg gsi.

Am abe am 5i wider ga Schaffä.Sisch vei chli öpis gloffä Reserviert si gsi 25 à la Card u när isch süsch no chli öpis.
Am afang hani irgend welch chnörz ka.Einisch Fauschi Sauce ä normale statt e chline banana split u süsch hei si mi rächt nervös gmacht.Vorauem wenn beidi um mi ume stöh und und im wäg si.oder wenn öpis louft und i irgendöpis sött machä wo absolut nüt mit däm ds tüe het .u das länkt sehr ab.
Oder das darfsch nid so machä!Ehm? warum het mir das vorhär niemer gseit?statt zueluegä u nüt säge.
aber was söus i finge de schono use was wie wenn wo.

Hüt nomau 5Std.u morn u am sa.Frei Juhui!

Nr11

C.-D. Openair Gampel 44 Tag

Hüt am Morgä simer go Käfälä isch ächt witzig gsi dr Nandi isch vorhär no mit em Al gsi ga Trainiere (schwümme).Nächst weekend 13.-15.juli 07 macht är 3Tag vom 7-Tag Gigathlon. Hoffä das es Ihm guet louft so wie dr "2-täger vor 2 Jahr u dä a eim Tag letschtjahr.HOPP FERNANDO!!!

Darum isch ds gestrigä Thema nid schaffä gsi sondern Marathon Gigathlon Ironman usw. gsi und das isch geng intressant aber brinngt mi jedesmau dsum Kopfschüttlä.Äs Bispiu:"Mis Weekend isch ächt asträngend gsi!drum machi itz ä Trainingspousä,numä 1,5 Std joggä oder " oder nume 100-300 KM Velofahrä usw.!" spinner :-) hihi:
I bi scho nume Froh wenn i Heil u mit ach u krach bim Schaffä aachume. :-)

Nachem Kafi simer Dr Sveni boy ga bsuchä.Är brinng üses Fium Material u am Fäbeli Sini Föteli am Mike damit är ä United Show cha machä.Super

Am abä bi i 5Std. ga Schaffä (Büglä uf Bärndütsch) isch ä guetä Abä gsi.Nid so viu gloffä leider aber so das i ds eintä oder ds andärä dr zue glehrt ha. Das isch sehr guet:
Hüt bini ufä gloffä wüus grägnet het 30 min hani ka.Aber i maches niemeh!wenns hüt rägnet gani trozdäm mit em Velo.

so bis bald e mau.

Nr.10

C.-D. Openair Gampel 45 Tag


Hüt hani dr zwöiti Arbeitstag ka. Ha mau richtig ufgruumt isch ja scho chli äs getto gsi.aber da gits,wenn viu louft.
Hüt isch ächt easy gsi nume 5 std. u morn nomau,ds'ersch hets gheissä i schaffi vom eufi bis am zähni, aber dämm isch itz nid so.leider.währ grad ächt motiviert gsi.aber jetzt.

Morn am Morgä chani mit ga käfälä juhuii.*FREU*

Villicht am Nami dr Räscht no verti glettä vo däm wo i hüt nid gschafft ha.

Dr michel het hüt,nachdäm är scho 15min uf em postä gsi isch usegfundä das är no 2 tag Frei het.Auso Hüt u Morn.
Hihi so ä Globi.

küssli u ciao

Nr9

C.-D. neuer Job 0 Openair Gampel 46

Hüt am 12i isch es auso so wit gsi,i ha mini Steu agfanga.Am Afang isches grad chli hecktisch gsi u am Abe ono mau.Aber schlussändlech isches ganz guet gloffä!Ä super Tag füehl mi ganz guet!
obwohl ds einte oder ds anderä Körperteil tut mir scho chli weh,d Frag isch nur ob das vom schaffä oder vom Velo fahrä isch .Hmm???

Uf jedä fau füehl i mi rächt guet.u das isch doch d houbt sach!oder?u i paar wuche macht sich Ds Velofahre o sehr bezaut! juduhuiiiiiii!

Ah u d's schönnstä hüt isch gsi:das wo i am abä Pousä gmacht ha dr Michel isch uftoucht mi cho bsuchä.Absolut dr zuefall!ha mi sehr gfreut.

Itz gani di de ganz Glücklech ga lige.U cha so gar usschlaafä morn.Küsschen und ciao.